BORUTA. S'Assòtziu culturale “Àndala Noa” at emìtidu unu avisu pro sa seletzione de duos operadores linguìsticos chi ant a traballare in s'“Ufìtziu subracomunale limba sarda de sa Curatoria de su Meilogu” (est a nàrrere pro sos comunes de Boruta, Cherèmule, Giave, Itireddu, Tiesi e Turalva). Sos chi ant a èssere seletzionados ant a dèvere bortare sos atos amministrativos e sa modulìstica produida dae sos ufìtzios amministrativos de sos comunes aderentes a su progetu; frunire sustennu linguìsticu a sos ufìtzios comunales, a sos operadores econòmicos e a sos tzitadinos; elaborare e propònnere progetos didàticos indiritzados a sas iscolas de cada òrdine e gradu presentes in sos matessi comunes; elaborare e propònnere progetos de valorizatzione de sa limba e de sa cultura sarda. In su bandu totus sas informatziones chi atenent a sas cunditziones de ammissibilidade, a sas modalidade de presentatzione de sas domandas e de seletzione de sas candidaduras.